Velkomen til ei konsertoppleving av dei sjeldne!
To av landets fremste musikkpersonlegdomar har gått saman med Bergen Bonanza for å tolke dei beste låtane frå The Beatles og The Rolling Stones. Tor Endresen og Bård Ose vil saman med Bergen Bonanza sørgje for at publikum får ei uforgløymeleg kveld!

Men dette er meir enn ein konsert: Før konserten startar, vil kvelden byrje med ein liten sekvens der Tor og Bård intervjuar kvarandre om oppveksten med britisk popmusikk, og kva betydning Beatles og Stones har hatt for karrierane deira.

Tor Endresen er Noregs mest allsidige vokalist. Det finst ikkje ein sjanger han ikkje meistrar. Men om han skal velje favorittlåtar med hjartet, er valet enkelt: The Beatles! I fleire år har Tor Endresen vist at han er Noregs beste tolkar av songane til John Lennon og Paul McCartney. I tillegg er Tor ein solid låtskrivar, med fleire suverene plateutgjevingar bak seg.

Bård Ose er ein av Noregs mest profilerte og anerkjende programleiarar i radio. I tillegg til dei mange programma sine held han foredrag for fulle hus, og han har gjeve ut bøker om alle songane til både The Beatles og The Rolling Stones. I denne samanhengen står han fram som Noregs Mick Jagger, der han syng dei beste Stones-låtane frå 60-talet.
---
Bergen Bonanza er eitt av dei lengstlevande konsertkonsepta i Bergen, som framleis held til på Statsraaden Bar&Reception. I 12 år har konseptet vore ein bauta for musikkmiljøet i Bergen, med stor spennvidde i samarbeidspartnarar og sjangrar. Husbandet har, etter alle desse åra, blitt eitt av dei mest samspelte banda på Vestlandet, og eit attraktivt backingband for mange artistar og konsept. Husbandet består av Lars Hammersland, Eirik Utne, Ole G. Eikeland, Einar Olsson, og er for høvet forsterka med Morten Endresen og Mari Ose som gjester.

--
Varigheit: om lag 1t og 30 min

Rullestolplass og ledsagerbillett kan kjøpast i resepsjonen, over telefon: 917 50 231 eller epost: resepsjon@oseana.no Obs: Begrensa antall.