Egil Olsen med Ålesund strykekvartett

Egil Olsen markerte nettopp sitt tiande år som soloartist med dobbelt livealbum og faste teikneseriestriper om livet som relativt ukjend popstjerne på Instagram og i Dagbladet

Egil Olsen, omtalt som “ein av landets aller beste låtskrivarar” (DN) og som ”noko av det finaste og mest underfundige vi har” (VG), markerte nettopp sitt tiande år som soloartist med dobbelt livealbum og faste teikneseriestriper om livet som relativt ukjend popstjerne på Instagram og Dagbladet.

I tillegg til sine fem kritikarroste album, har multikunstnaren laga sine eigne musikkvideoar og platecover, bidratt med musikk i både filmar og dataspel, hatt kunstutstilling, hip hop-cover-spalte på p3 og radioblogg på p13. Han har hatt konsertar i både Noreg, Tyskland, Japan, Kina og USA, og spelt på store klubbar og festivalar som Rockefeller og Øya. Han har til og med fått sitt eige tributealbum der artistar som Thom Hell, Sondre Lerche og Side Brok tolkar songane hans.

Han er ein singer/songwriter utanom det vanlege. Med sine små, men store sangar, balanserer han sårheita, varmen og melankolien i musikken, med sin lune humor og komiske anekdotar på scenen. Ålesund strykekvartett er med og gir dei melodiøse sangane ein ekstra dimensjon.