Kjartan Fløgstad med band

Kjartan Fløgstad held fram med å overraska og imponera oss. Denne gongen med Kjartan Fløgstad Band (KFB)

Bandet består av forfattar Kjartan Fløgstad, forfattar og journalist Tom Stalsberg, bassist og songar Steinar Raknes og Stian Carstensen på trekkspel, banjo og resten av instrumenta dei nyttar. KFB tar utgangspunkt i Fløgstad sine poetiske tekstar, samla i boka Sandharpesongar, med nylaga musikk av Raknes og Carstensen. Ein saleg miks av kortreiste og langreiste tonar frå amerikanske jukeboksar, landskappleik og buskspel til  jazzklubb, blues-bule, katedral og høgfjell.

Kjartan Fløgstad sin siste roman, Due og drone, vil det bli eit lett bokbad av i tillegg til konsert med song, opplesingar, skrømt, alvor og kanskje eit og anna ordspel. Forfattarane har også med seg nye tekstar om aktuelle tema.