Fredag 27. juni kl. 18.00 blir det offisiell opning av sommarutstillinga i regi av lokalstyret på Grimdalstunet. 

Vi er stolte over å presentere dei fire dyktige kunstmålarane Hilde Grønstad Sunde, Kari Rindahl Endresen, Violet Polsangi og Gunnar Birger Grunnvik. I tillegg viser Torleif Lie foto. På opninga om kvelden blir det samtale med kunstnarane. Vidare blir det musikk og song av solide, lokale krefter: William Gauslå, Siri Møller-Holst, Lavrants Grøstad Johnson og Vårin Prestegard Felland. 

Det er lurt å koma i god tid. Grimdalstunet er ope frå kl. 11, og rundt kl. 16 vil kunstnarane vera på Grimdalstunet. Då kan du rusle i fred og ro med kunstnarane, sjå salsutstillinga på førehand og ta ein tur innom den storslagne utstillinga om Draumkvædet måla av kunstmålar Karl Erik Harr. Det er så mykje å sjå på Grimdalstunet. I år har vi også eit bra utval i butikken, og i kafeen sel vi kjøtsuppe, kaffi, kaker denne kvelden. 

Vi ynskjer alle hjarteleg velkomen til ein triveleg ettermiddag med kunstnarar, kunst, musikalske innslag, mat, drikke og ikkje minst gleda ved å møtast. Velkomen!

Helsing styret i Grimdalstunet.

NB: Sesongen på museet startar 25. juni.