Næringskonferansen i Flåm blir arrangert på Fretheim Hotel i regi av Norway's best. Målet med konferansen er å skapa ein årleg samlingsstad om utvikling, samarbeid, kunnskapsformidling, innovasjon og omstilling for norsk næringsliv.
Årets to hovudtema er Kunstig intelligens og Morgondagens leiing. Konferansen startar med ein mangfaldig lunsj torsdag og endar med utdeling av lunsjpakker fredag.
Finn Tokvam er konferansier og leier oss gjennom dei to dagane med spanande program. Det vert også kåring av årets bedrift m.m. frå Sogn Avis og høve til eit besøk i FjordSauna etter det faglege programmet torsdag. Før middag vert det underhaldning i kjent Finn Tokvam-stil.
Velkomen til to dagar med inspirasjon, fagleg påfyll og gode møter – midt i hjarta av Vestland fylke!