Bli med på ei unik omvising i eit historisk klyngetun og landskap der me fortel historia til den tradisjonsrike garden Havrå. Havrå er ein gard på sørsida av Osterøy, og eit av dei best bevarte og mest særprega norske klyngetuna. Her har det vore busetnad og gardsdrift sidan eldre bronsealder. Garden vart freda i 1998, som det første kulturmiljøet i Noreg, og er eit unikt minne om gardsdrift, byggjeskikk og arbeidsliv på dei mange vestlandsgardane.

Billettar kan kjøpast her.

Korleis koma seg til Havrå:

Med bil:
Havrå er 30 minutter med bil frå Bergen sentrum. Følg E39 ut av Bergen mot Voss/Voss mot Bergen. Ta av mot Osterøy over brua. Køyr mot Bruvik, ca. 3 km. Parkering er 200 meter forbi tunet, med tunellen. 

Med buss/tog: 
Ta tog frå Bergen til Arna stasjon, bytt til buss 910 Haus og vidare med buss 911 mot Bruvik til stoppet Havrå. Planlegg reisa på skyss.no.