Endeleg er dei mellombelse fanggjerda tatt vekk og Rasfare er omsider tilbake! Midt i prosessen med å spele inn sitt debutalbum, feirer dei slepp av dei tre første låtane med konsert på Statsraaden i Bergen. Det er heile seks år sidan forrige konsert i Bergen, så denne fjellovergangen er særs sjeldan open.

Rockejazz-kvartetten slepp første singel "Sommardekk i vinterland" no i november. Dei tre barndomskameratane Andreas Barsnes Onarheim (gitar), Jørgen Stangeland Bach (bass) og Jon Bolstad (trommer) har funne saman med Jørgen Krüger Mathisen (fiolin) og spelar instrumental rockejazz med leiken vri.
Rasfare er ikkje inne på nasjonal transportplan, men du bør legge dei til på din nasjonale konsertplan og kome på Statsraaden laurdag 31.januar! Vel møtt!