Tingingsverk: «Istem»
Torsdag 7. august 2025
Festsalen, Bø hotell, kl. 19:00
365,- / 535,-* inkl. bill.avg.

Musikalsk verdspremiere!
Ikkje berre er det premiere på eit flunkande nytt tingingsverk – verda har heller aldri sett eller høyrd ein strykekvintett der alle instrument har understrengar. Før no! Tingingsverket «Istem» vert framført ein flott bukett utøvarar frå skjeringspunktet mellom kammermusikken og folkemusikken. Hovudkomponist er Vegar Vårdal, medan Ottar Kåsa er solist. I tingingsverket ønskjer me både å vise likskap og kontrastar i desse to sjangrane ved å skape eit breitt uttrykk som kan opplevast som heimehøyrande i både det klassiske og det folkemusikalske uttrykket. Urframsyninga av tingingsverket på Telemarkfestivalen er ei storhending i seg sjølve, men det er òg ei verdspremiere for ein stryke kvintett der samlege instrument har understrengar som syng i lag – noko som gir ein heilt ny klangbotn og rom for eksperimentering. I tingingsverket vil det vere nykomponert og nyarrangert musikk med hovudvekt på slåttemusikk og i særleg grad lydarslåttane frå Telemark.

I tillegg til å vere solist er Ottar Kåsa sterkt involvert i tingingsverket. Han har nemleg laga hardingfelene, hardingbratsjen og hardingcelloen som vert nytta i framføringa.

Medverkande:
Ottar Kåsa – hardingfele
Vegar Vårdal – hardingfele
Nora Taksdal – hardingbratsj
Sivert Holmen – hardingfele, hardanger d'amore
Johannes Martens – hardingcello

* Gir inngang til båe konsertar på Bø hotell denne kvelden.

Velkomen!