Ålesund Turistinformasjon

Turistinformasjon i hjartet av Ålesund

Midt i den vakre jugendstilbyen Ålesund finn du turistinformasjonen – eit naturleg startpunkt for opplevingar i byen og på Sunnmøre. Her får du inspirasjon, rettleiing og hjelp til å planlegge feriedagane dine – enten du drøymer om fjordcruise til Geiranger, topptur i Sunnmørsalpane eller kulturvandring i bygatene.

Personleg rettleiing og booking av aktivitetar

Turistinformasjonen er heilårsopen, med utvida opningstider i sommarsesongen. Her møter du vertskap med lokalkunnskap og gode tips – klare til å hjelpe deg med både praktisk informasjon og booking av opplevingar i Ålesund og resten av regionen.

Du kan kjøpe billettar til båtturar, bussutflukter og fjordcruise, eller bestille guida turar og aktivitetar i alt frå Geiranger og Hjørundfjorden til Alnes og Runde. I tillegg finn du eit lite utval av postkort, frimerke og nyttige trykksaker som kart og brosjyrar.

Oppdag Sunnmøre

Frå turistinformasjonen i Ålesund har du heile Sunnmøre innan rekkevidde. Med sitt mangfald av fjordar, fjell og øyperler byr regionen på kontrastfylte opplevingar – frå den verdsarvlista Geirangerfjorden og dramatiske Trollstigen, til surfestrender, kystmuseum og rolege bygder mellom fjord og fjell. Ålesund er eit knutepunkt for reise vidare – og turistinformasjonen hjelper deg å kome dit du vil.

Velkommen innom for gode råd, lokalt innblikk og ei god start på eventyret!

Opningstider restaurantar og attraksjonar jul og nyttår 2025

Er du i Ålesund eller på Sunnmøre i jula, og lurer på kva som er ope, så sjekk gjerne denne lista over opningstider.