Sandane

Engeset Trehytter

  • Person sit i stol ved store glasruter, med utsyn mot fjord, fjell og tre i varmt ettermiddagslys..
  • To lenestolar ved store vindauge, med utsikt over fjord, dal, små bygder og snødekte fjell i solskin..
  • Oransje lenestol med kvitt skinnfell ved stort vindauge, med utsikt over fjord, gardar og snødekte fjell..
  • Lågvinkla bilete av ei moderne glasbygning i skogen, omgitt av høge tre og blå, klar himmel..
  • Moderne stoverom med sofa og salbord ved store glasvindauge, med utsyn til fjord, fjell og skog..
  • Lys stove med sofa og salbord, stor panoramavindauge mot fjord og snødekte fjell, beanbag på golvet..
  • Trebrygge med rekkverk leier til ei gul trehytte i skogen, med fjord og snøkledde fjell synlege i bakgrunnen..
  • Lite soverom med køyeseng og dobbeltseng, synlege takbjelkar av tre og stort vindauge mot fjord og fjell..
  • Utsikt frå ei seng mot store glasruter med solnedgang, fjord og fjell, og ei kvinne som kviler i hengekøye..
  • To små trehytter på ei grasskledt høgd med grussti, med fjord og snødekte fjell i bakgrunnen..
  • Innsyn i eit lite treinteriør med mørke veggar, små vindauge, rund spegel på vegg og tregolv..
  • Betongdusj med handdusj og benk, stort vindauge mot fjord, skog og snødekte fjell under blå himmel..

  • Besøk nettsiden

  • Besøk oss på Facebook

  • Send oss en epost

  • 410 43 249

Sandane har eitt av dei mest unike overnattingstilboda på Vestlandet: Engeset Trehytter. Her bur du høgt oppe mellom trea, med panoramautsikt mot fjord og fjell. Dette er ein stad der stillheit, natur og komfort smeltar saman til ei heilt spesiell oppleving.

Frå hyttene kan du sjå fjella spegle seg i fjorden ein stille sommarmorgon, og nyte solnedgangen som varer langt utover kvelden. Når mørkret senkar seg, kan du ligge i senga og sjå månen og stjernehimmelen gjennom store panoramavindauge.

Hyttene er organisk bygde og plasserte tett på naturen. Dei rører seg svakt med vinden, og fuglane finn ly i innebygde fuglekassar i kledninga. Om sommaren, med lange lyse dagar, er dette ein perfekt stad å lande etter ein dag med stisykling, fjelltur eller andre opplevingar i Nordfjord.

● Hytte 1 har plass til 2–3 personar og er utstyrt med dobbeltseng og hengekøye. Delt toalett i eige bygg saman med hytte 2.

● Hytte 2 passar for 5–7 personar og er bygd i to etasjar – eit godt val for familiar og større grupper. Delt toalett i eige bygg saman med hytte 1.

● Hytte 3 er den nyaste hytta og har plass til opptil 4 personar, med dobbeltseng og sovesofa. Hytta har eige toalett. Trappefri tilkomst gjer hytta eigna for rullestolbrukarar og familiar med barnevogn.

Dusj er tilgjengeleg i eiga dusjhytte: Dette er ei oppleving i seg sjølv. Vatnet varmast på kjøkkenet, blandast i bøtter og berast ut. Resultatet er ein enkel, men minneverdig dusjoppleving med utsikt over fjord og fjell. Enkelt, autentisk og uforgløymeleg.

I gangavstand frå hyttene ligg Trivselsskogen, med eit stort nettverk av turstiar og naturopplevingar. Her er det alltid noko å oppleve kring hyttene, heile året. Om hausten kan du oppleve trehyttene medan lauvet fell. Vinterstid ventar preparerte langrennsløyper på Kleivane skistadion og flotte toppturar i fjella rundt. Våren byr på nytt liv, fuglesong og lam som leikar rundt gardstunet.

Sjølv om roen rår i tretoppane, er det kort veg til sentrum på Sandane. Her finn du bade- og klatreanlegg i Trivselshallen, det anerkjende Gloppen Hotell og den urbane Lauget Kafé og Kultur.

Velkomne til ei eksklusiv tretoppovernatting i Nordfjord.
For spørsmål eller bestilling, besøk nettsidene eller kontakt Engeset Trehytter direkte.

Kilde: Nordfjord