Hardanger Fartøyvernsenter

Familievennleg maritimt senter med opne verkstader året rundt, og mange kjekke familieaktivitetar i sommarsesongen. Her får du oppleve Noregs einaste reiparbane i aktivitet, smeden i arbeid i smia og trebåtbygging året rundt. Om sommaren kan du bygge din egen leikebåt, slå tau, bygge eit lafta hus og lære knutar. Leig gjerne tradisjonelle robåtar og ro ein tur på fjorden. Omvising kvar dag kl. 13:00 i høgsesong, elles på bestilling for grupper. Vising av maritime filmar i filmsalen. Kafé med søtt og salt. Museumsbutikk med maritime produkt.

Hardanger Fartøyvernsenter er ein del Hardanger og Voss Museum, og saman med Folgefonnsenteret, Kraftmuseet og Olav. H. Hauge-senteret tilbyr dei eit sommarpass. Når du kjøper inngangsbillett til full pris den fyrste staden, får du Sommarpasset som gjev 50 prosent rabatt hjå dei andre som er med i samarbeidet.

I juni 2025 opna dei eit nytt publikumsenter med utstillingar, kinosal og kafé. Les meir om det her: https://fartoyvern.no/kulturnaustet/