Flatdal

Nutheim Gjestgiveri Restaurant

  • matrett som serveres på Nutheim Gjestgiveri
  • dessert og kaffe på terrassebord på restauranten på Nutheim Gjestgiveri
  • middagsbord på Nutheim Gjestgiveri
  • røkt laks med flatbrød og rømme
  • dessert som servers på Nutheim Gjestgiver
  • terrassen på Nutheim Gjestgiveri
  • Nutheim Gjestgiveri sett fra hagen om våren
  • Vertskap hos Nutheim Gjestgiveri
  • Nutheim Gjestgiveri er eit lite familiedrive trehotell i hjartet av Telemark med lang tradisjon for å ta imot vegfarande til servering og overnatting. Staden har vore i familiens eige sidan 1917, og hotellet drivast no av Ellen Grøstad Barstad og hennar familie. Kunsten står i høgsetet hjå oss. Det var hit til Nutheim mange av våre fremste målarar kom for inspirasjon gjennom fleire tiår. Her tok dei for seg av ro, lys, luft og motiv - men også av mat, drikke og gjestfridomen. Den fjerne utsikta over dalar og fjell inspirerer like mykje til sjelefred som til nye djerve tankar. Saman med fellesskapet forløyste desse rammene skapande krefter som har sett djupe spor i norsk kunsthistorie. Nutheim er den dag i dag ein arena for kunst og kultur. Med jamne mellomrom held me arrangement i form av til dømes utstillingar og konsertar, og dersom kursgjester eller andre har ynskje om kulturinnslag kan me ty til eit breitt utval av dyktige kunstnara
  • Nutheim gjestgiveri om våren

  • Besøk nettsiden

  • Besøk oss på Facebook

  • Send oss en epost

  • 35 05 21 43

    • Flatdalsvegen 1283

    Seljord, Telemark

    Vis i kart

Som gamal skysstasjon og hotell har me tatt imot gjester og vegfarande til gode måltid og triveleg overnatting i over 100 år. Maten er laga frå botn av på lokale råverer.

Me er genuint opptekne av mat, og maten me serverar er ærleg og god.



Hjå oss kan du nyte godt varetekne tradisjonar overført frå mor til dotter heile fire gonger. Solveig og Ellen lagar maten frå botnen av, ofte med råvarer frå lokale produsentar.



Ambisjonen er å vera rause, i detaljar og smak - og estetikken finn du ikkje berre på veggane, du finn den også på tallerkane.



Sjølv om nokre av kakeoppskriftene kan daterast attende til før fyrste verdskrig, lar me oss kontinuerlig inspirere. I menyen vår kan du difor velgje i eit brett spenn av varierte rettar, frå oldemors festgraut til franskinspirert and.



Me serverar større og mindre lunsjrettar, kaffi og søtsaker, kvar dag mellom 12.00 og 18.00, både inne i restauranten og på uteservering med fantastisk utsyn over Flatdal, Skorve, Mælefjell og Lifjell.



Klokka 19.00 opnar me dørane for kveldens ganenytelse, 4-rettars middag, både til hotellgjester og andre som ynskjer eit godt måltid.



Me har eit utval gode vinar, og serverar stolt vårt eige heimebryggja øl, eplemost frå Epleblomsten i Sauherad og espressobaserte kaffedrikkar.



Nutheim bar har alle skjenkerettar.



Nyheit! Historisk Måltid



Bli med på ei reise i tid gjennom eit historisk festmåltid med sagn og forteljing, i den gamle prestegarden på Nutheim.

Inspirert av gamle reiseskildringar, naturen og råvarene kring oss har vi komponert ein 7-rettars meny med fakta og fantasi, og drikke som høver. Me dekker opp med vårt finaste servise og pyntar prestegarden til gjestebod. Vårt bunadskledde vertskap tek imot dykk og byr på sagn, skildringar og eventyr i stoger fulle av historie, kunst og handverk frå området. Skulle de ha lyst til å høyre folkemusikk frå området er det mogleg å bestille.

Opplevinga passar grupper frå 10 til 22 personar.



Me tek imot kurs og konferansar, leiarsamlingar, feiringar og venegjengar – kort sagt alle grupper som har sans for god mat, historie og eventyr!



***************************************

Pris per person for festmåltid inkludert overnatting i dobbeltrom med frukost 2 050,-

Pris for enkeltrom med frukost 2 460,-

Drikkepakke 550,- (Øl, vin og dram – 6 einingar)

Alkoholfri drikkepakke 230,-


  • Hele året

Kilde: Vest Telemark