Lom
Strind gard i Lom tilbyr gardsovernatting i rolege omgjevnader i hus med sjel - i eit intimt og romantisk gardsmiljø. Her kan du kombinere besøk i Lom sentrum med store naturopplevingar i Jotunheimen - og fredeleg gardsliv.
Strind Gard ligg idyllisk til rett utanfor Fossbergom i Lom, langs Sognefjellsvegen. Garden byr på rolege, historiske omgjevnader - og stort uteareal med tilrettelagde sitteplassar inne i den blomstrande hagen. Her har Anne Jorunn og Trond Dalsegg teke imot gjestar frå heile verda sidan 1975, med fokus på gamle tradisjonar. I bekken Vittingje med sitt sildrande fjellvatn, kan du ta eit friskt bad eller nyte eit måltid på uteplassen med grill. Frå garden går det merka sti til fossane i Vittingje, der du finn gapahuk og bålpanne. Vertsfolket kan gje gode råd om turar i fjellheimen og stiller òg i blant opp som turfølgje. Strind gard er ligg ypperleg til for dagsutflukter i Jotunheimen og opplevingar i Lom sentrum. Garden er barnevenleg og tek i mot gjestar heile året. Strind gard har hytter/rom, både høg standard og enkel standard med plass til 2-6 personar, til rimelege prisar. Garden har nytt sanitæranlegg med badstue.
Kilde: Visit Jotunheimen AS