Aabrekk gard

Aabrekk gard tilbyr overnatting i restaurert hus frå 1700- og 1800-talet, har servering for grupper og sel matvarer som er produsert på garden. Produkta som vert levert frå garden er basert på sterke tradisjonar, og ber namnet Lykle.

I Trollbutunet kan du bu i hus frå 1700- og 1800-talet. Husa vart flytta dit i 1995. Tunet ligg i eit roleg område omkrinsa av høge fjell, frodiggrøne fjellsider, blåkvite brear og ville fossar som dansar nedover fjellsidene.
Der er 23 sengeplassar fordelt på tre hus. I husa er det kjøkken, stove, soverom og wc/dusj. Soveroma er utstyrte med dyne og pute, og der er sengetøy til leige. Kjøkkena er fullt utstyrte med komfyr og kjøleskap. To av hyttene har peisomn.

SERVERING OG CATERING
GRUPPER
I gamlelada (låven) kan ein feire store dagar eller arrangere slektstreff.
Her er plass til opp mot 90 personar for servering - i eit triveleg miljø.
Huset er bygd på grunnmurane av gamlelada frå 1895.
Nybygget stod ferdig i 2005.

CATERING
Her leverast lokalmat og buffet på bestilling. Kontakt Aabrekk gard for prisar og meny.

FRUKOSTSERVERING
I gamlelada serverast frukost til overnattingsgjester, og andre som bestiller.

På Aabrekk Gard blir sjela lagt i å vidareføre tradisjonar overlevert i generasjonar. Mathistorie, råvarer og kvalitet er begrep vi formidlar gjennom gode bakevarer. Vi har solbær- og ripsbærbusker i hagen. Dette lagar god gele, syltetøy og saft av. Ein finn det på frukostbordet, til middag - og er ein heldig kan ein få kjøpe eit glas med heimelaga syltetøy. På Aabrekk Gard lever biene glade dagar i rein og frodig natur. Det kjennest på honningen. Her surrar dei rundt i kvitkløver-enga og på villbringebær-blomsten, og gjev oss gode smakopplevingar. I Oldedalen lever geitene fritt og godt, leikande i vill, rein natur. I fjellsidene bak garden veks lyng og urteplantar, dynka i brevatn og bada i sommarsol. Du kjenner det på geitosten frå Aabrekk.

Lykle er namnet på produkta som vert leverte frå Aabrekk Gard. Lykle finn du i eit utval av butikkar og hotell i Sogn og Fjordane. Du kan også bestille varer direkte frå Aabrekk Gard.
Gardsmat av finaste kvalitet.