Aasmund Kleiv - skimakar og tusenkunstnar

Utstillingsopninga er laurdag 13. oktober 2018, kl. 16. Fri inngang.

Aasmund Kleiv (født 1923 i Morgedal) er skimakar, handverkar, treskjerar, oppfinnar, diktar, lokalhistorikar og livskunstnar. Ikkje berre har han laga mange historiske Telemarkski på gamlemåten. Han har skore ut trefigurar, laga teikningar og skrive dikt. Han har bidrege til restaurering av både Grimdalstunet og stavkyrkja i Eidsborg. Han har levert fleire hundre fôrsiloar rundtom i fylket, og laga sitt eige verktøy. Utstillinga viser døme på ting han har laga, og du kan få med deg eit lite hefte med eit utval dikt.

Utstillinga står i første omgang fram til 16. desember, men vil også vere å sjå på Skieventyret i neste sesong (2019). Velkomen!