Skip to main content
Unknown Component
civid: 5c827ba037bdfdb80784db70
name: plugins_common_social_share (widget)

Bremnes

Bømlo kulturhus

I Bømlo kulturhus finn du moderne kino med kiosk, bibliotek, kulturscene, kulturskule og turistinformasjon.

Kulturscena i Bømlo kulturhus er fullt teknisk utrusta til glede for lokale lag og organisasjonar. Bømlo har eit rikt kulturliv med lang erfaring på teaterproduksjon, korps og ein aktiv kulturskule som fyller scenen gjennom året med små og store produksjonar.

Bømlo kulturhus er også turnestoppestad for Riksteatret og Teater Vestland, samt nasjonale artistar på turne gjennom landet.

Bømlo kulturhus er også mykje brukt av organisasjonar, næringsliv og det offentlege til møter, presentasjonar, kurs og konferansar.

Bømlo folkebibliotek er også i Bømlo kulturhus. Dette er eit heilt unikt bibliotek i nasjonal samanheng. Det opne biblioteksrommet ligg i samband med kulturhusfoajeen og inviterer alle inn til opplevingar, samhald og utforsking.

I sørviskiosken kan du kjøpa billettar til kino og kulturarrangement, handla i kiosken og låne bøker hjå biblioteket.

I sommerferien finn du i tillegg turistinformasjon her.
Opningstider: sjå nettsida til Bømlo kulturhus. Kiosk og billettsal er alltid ope 1 time før framsyningar og kinovisningar.

Last updated: 01/29/2024

Source: Samarbeidsrådet for Sunnhordland

Bømlo kulturhus

Sider du nylig har besøkt