Bondhusvatnet og Bondhusdalen

Bondhusvatnet ligg inst i Bondhusdalen i Kvinnherad, ved foten av Folgefonna. Den korte turen inn til vatnet går på ein brei grusveg gjennom frodig natur, med utsikt mot smeltevatn, elv og Bondhusbrea i bakgrunnen. Mange kjem hit for å oppleve kontrasten mellom det grøne brevatnet og den kvite breen , eller berre for ein roleg tur inn i dalen.

Turen passar for familiar, dagsturistar og deg som vil oppleve naturen utan lang og krevjande fjelltur.

Kort fortalt

Stad: Bondhusdalen, Kvinnherad
Lengde: Ca. 2,5 km kvar veg
Tid: 45 minutt–1 time inn til vatnet
Vanskegrad: Enkel
Underlag: Grusveg
Sesong: Mai–oktober
Passar for: Familiar, fotografering og korte dagsturar
Parkering: Avgiftsparkering ved Bondhusdalen
Toalett: Tilgjengeleg ved startpunktet i sesong
Hund: Ja, men bruk band der det er beitedyr

Ein historisk veg inn mot breen

Vegen inn gjennom Bondhusdalen blei opphavleg bygd for transport frå breområdet. I dag er han ein av dei mest tilgjengelege turane inn mot Folgefonna nasjonalpark.

Du går mellom steingardar, elvar og lauvskog før dalen opnar seg mot Bondhusvatnet. På stille dagar speglar breen og fjellsidene seg i vatnet.

Det er lett å forstå kvifor dette er ein av dei mest fotograferte stadene på Vestlandet.

Kor lang er turen til Bondhusvatnet?

Frå parkeringsplassen tek turen inn til vatnet rundt 45 minutt til 1 time i roleg tempo. Turen går jamt oppover på grusveg og passar for dei fleste.

Vil du vidare mot Bondhusbrea, blir terrenget brattare og meir krevjande. Då bør du vere godt førebudd og følgje merka sti.

Kva er skilnaden på Bondhusvatnet og Bondhusbrea?

Bondhusvatnet er det grøne brevatnet inst i Bondhusdalen.

Bondhusbrea er ein brearm frå Folgefonna som ligg ovanfor vatnet.

Mange besøker berre vatnet, medan andre held fram vidare opp mot breområdet.

Beste tidspunkt å besøke Bondhusvatnet

Frå sein vår til tidleg haust er forholda vanlegvis best.

Tidlege morgonar og seine ettermiddagar gir rolegare oppleving og mjukare lys over vatnet. Midt på sommaren kan området vere travelt midt på dagen.

Etter regn blir fargane i landskapet ekstra sterke, men grusvegen kan vere glatt enkelte stader.

Dette må du vite før du går

Hald deg på merka sti og grusveg.

Ver varsam nær vatn og elvar.

Ta med søppel tilbake.

Vis omsyn til jordbruk og beitedyr i dalen.

Dronebruk kan vere regulert i området.

Ver førebudd på skiftande vêr, også om sommaren.

Natur og kultur i Bondhusdalen er ein del av kvardagen til dei som bur her. Vis omsyn slik at fleire kan få same opplevinga etter deg.

Praktisk informasjon

Parkering

Det er avgiftsparkering ved innkøyringa til Bondhusdalen.

Kollektivtransport

Det går buss til Sundal frå fleire stader i Sunnhordland og Hardanger. Frå busstoppet er det kort veg til turstart. Sjekk Skyss.no

Mat og servering

Det finst ikkje servering langs turen. Ta med det du treng for dagen.

Overnatting i nærleiken

Du finn overnatting i mellom anna Rosendal, Jondal, Sundal og Odda.

Ofte stilte spørsmål om Bondhusvatnet

Er Bondhusvatnet familievenleg?

Ja. Turen passar godt for familiar med barn, men små barn må haldast under oppsyn nær vatnet.

Kan ein bade i Bondhusvatnet?

Nei. Det er ikkje tillate å bade i Bondhusvatnet, sidan vatnet er lokal drikkevasskjelde. Besøkande blir bedne om å hjelpe til med å halde vatnet reint og ta vare på naturen rundt.

Kor krevjande er turen?

Turen til vatnet er enkel og går på grusveg.

Når er beste tidspunkt å besøke Bondhusvatnet?

Mai til september er mest populært, men vår og haust gir ofte rolegare opplevingar.

Kan ein gå heilt opp til breen?

Ja, men turen vidare mot Bondhusbrea er meir krevjande enn turen til vatnet. Her anbefales det å kontakte lokalt turistkontor.

Opplev meir i nærleiken

Folgefonna Nasjonalpark
Rosendal og Baroniet
Kajakk på Hardangerfjorden