Brurastakken

Fjellformasjonen Brurastakken ligg godt synleg når du kjem sjøvegen og er eit eldorado for geologar på feltarbeid. Her har du ein fantastisk 360 graders utsikt på få høgdemeter!

Få stader har så rik og mangfaldig geologisk historie som Askvoll-området. Den geologiske historia spenner seg over eit langt geologisk tidspunkt, om lag 2 milliardar år. På Brurastakken finn du spor etter tre fjellkjedefoldningar, eit resultat av at kontinentplater har kollidert og fjellkjeder har bygd seg opp, før dei har erodert flate igjen. Det er tilrettelagt ei geologiløype som startar på høgda ca. 2 km frå Herland.