Bruredynnan

Bruredynnan uti enden av Seljordsvatnet ved Rondebergsåsane. På desse glatte fjellveggane finst restar av hellemåling som kan vera 6-7000 år gamle. I folketradisjonen heiter det at eit brurefylgje som kom i båtar frå Seljord kyrkje blei tekne av ein virvelvind og blei borte ved Bruredynnan. Det heiter vidare at bergmålinga framstiller tre menn som dansar, og ein flokk med reinsdyr. Teikningane er svært utvaska av ver og vind.

Ein må ut i båt på Seljordsvatnet skal ein sjå desse ristningane. Båt kan leigast på dei ulike campingplassane.