Ta turen til den flotte dagsturhytta på Goddo på Bømlo. Hytta har fått namnet Kurebu!
Dagsturhytta Kurebu ligg på Goddo, i turområdet mot Barmane.
Turskildring
Frå parkeringsplassen er det 1,3 kilometer å gå - for det meste i kupert terreng. Her går du på sti. Landskapet på Goddo er ope, det er knausar, stein og myr. Det tar omlag 20 minutt å gå til hytta.
Tilkomst og parkering
Kjør på riksveg 5004 via Urangsvåg til Kinnastraumen bru (Goddebrua). Like over brua tar du til venstre og kjører omlag 250 meter mot Helgeplass. Parkeringsplassen ligg like over bakketoppen på høgre sida av vegen. Stien startar 40 meter før parkeringsplassen på same sida.
Du kan også padle kajakk frå friluftsområdet Barmane. Herifrå ser ein hytta på eit høgdedrag mot aust.
Fasilitetar
Det er både toalett, vedomn og straum.
Her finn du informasjon om dagsturhytter på Vestlandet, og korleis bruke dei. NB! Det er ikkje lov å overnatte i hyttene.
Kilde: Region Sunnhordland