De Heibergske Samlinger - Sogn Folkemuseum

De Heibergske Samlinger – Sogn Folkemuseum på Kaupanger syner korleis folk har levd frå mellomalderen og fram til vår eiga tid. Dei 30 bygningane i friluftsmuseet spenner frå ei mellomaldersk årestove til eit moderne ferdighus frå slutten av 1980-talet. Her er og tradisjonell gardsdrift med levande dyr. 

Ope heile året, Eitt av dei eldste og største folkemusea i landet. Omvising og aktivitetar kvar dag. Kafé med heimelaga lokal mat og museumsbutikk.

Forutan ein "vanleg" leikeplass, med enkle leikeapparat, gamaldagse stylter, og ekte laftetømmer, slik at ein kan byggja seg eit eige tømmerhus, har museet ein flott naturleikeplass i skogen nedanfor hovudbygningen. Her er det lagt til rette for ulike former for leik i naturen. Ein kan klatra og huska, eller finna seg ein fredeleg plett for rolegare syslar. Det er spennande i skogen!

I tilknyting til naturleikeplassen er det også ei spennande naturleikeløype for borna!. Sjå meir om naturløypene.