Eikaasgalleriet

Målaren, grafikaren, teiknaren og skulptøren Ludvik Eikaas vart fødd i Jølster i 1920, men flytta i ung alder til Oslo. Han døydde 5. september 2010. L. Eikaas var bl.a. kjend som ein av dei første som laga nonfigurativ kunst i Noreg. Han var og kjend for sine mange portrett og sjølvportrett. Det gamle meieriet på Ålhus vart kjøpt og bygd om til eit moderne kunstgalleri, for å ta imot kunstsamlinga som Ludvig Eikaas gav kommunen. Denne samlinga omfattar no over 800 kunstverk. Galleriet opna i 1994 og har skiftandes utstillingar.

Eikaasgalleriet er Sogn og Fjordane Kunstmuseum sitt største galleri. Fokus er på representative utstillingar av nasjonal og internasjonal storleik og kvalitet i kombinasjon med profilereing av eiga samling. Sal av bl.a. original grafikk, kort og bøker. Kafé med enkel servering inne og ute. Eikaasgalleriet ligg på Ålhus, like ved E39, og Jølstravatnet. Her er fin badestrand og god parkering.