Eikaasgalleriet

På Eikaasgalleriet kan du sjå nokre av dei 850 verka som speglar Eikaas sitt mangfaldige uttrykk – frå tresnitt og måleri til skulptur og grafikk. Han var kjent for utforskinga av modernismen, der form, farge og komposisjon stod i fokus.

Galleriet, ligg vakkert plassert ved Jølstravatnet rett ved E39. Vi inviterer deg til å dykke inn i kunsten til Eikaas og andre aktuelle kunstnarar.

For familiar er det moglegheit for både læring og leik i dette inspirerande kunstlandskapet.

Utstilling:

Sesongen 2025 og 2026 kan du oppleve utstillinga “Livnerven - frå stove til atelier” på Eikaasgalleriet. Her vil du møte fleire skikkelsar innanfor vev- og heimeyrketradisjonane i Jølster - og koplingane vidare ut av stovene. Koplingar som har vore viktig for sysselsetting, men ikkje minst for kreativitet til samarbeid og bulyst. Lagnsmed føl vi Ludvig eikaas sine observasjonar og komposisjonar.

Mat, drikke og museumsbutikk:

I kaféen kan du nyte ein is, vaffel og kaffi. Nyt serveringa på terrasen med utsyn til fjella.
I butikken kan du handle kort og andre gåveartiklar – eit perfekt minne frå besøket.

Omvising:

Omvising av grupper må tingast på førehand på tlf +47 99 20 26 76 eller e-post: [email protected].

Tilrettelegging:

Rørslehemma har tilgang til galleri og kafé med trinnvis adkomst. Uteområdet har avgrensa avgang for rullestolbrukarar. Toalett for rørslenedsette og andre i kaféen.

Sesong:

Museet er ope frå mai til september, og ved arrangement. Besøk nettsida for detaljerte opningstider.

Berre 20 km frå Eikaasgalleriet så finn du Astruptunet – heimen til ein av Noreg sine mest kjende kunstnarar, og opplev landskapet som inspirerte dei ikoniske måleri hans.