Engjadalen - Heggdalsvatnet

Det første stykket går langs ein traktorveg på vestsida av elva framover dalen frå parkeringsplassen. Etter ei stutt vandring, kjem du over på merka sti fram mot DNT-hytta på Navarsete. Stien held fram vidare innover på vestsida av elva og kryssar denne like før Heggdalen, ein triveleg støl fremst i den frodige og grøne Engjadalen. Frå Heggdalen er det nokså bratt opp til Heggdalsvatnet, der stien tidvis går heilt ute på kanten mot elvegjelet. Det er på sin plass å åtvare mot dette partiet, særleg dersom det regnar eller er glatt av frost. Du kan med fordel gå av stien og inne ei rute nokre meter frå stupkanten. Siste stykket går stien innunder nokre høge hamrar før du er oppe ved osen på Heggdalsvatnet. Innover og forbi vatnet ser du fjellområdet Stongfjellet og Fivlenosi og overgangen til Vigdalen. Det er mogleg å gå ein annan veg attende til bilvegen. Vegen om Seljesete kryssar elva like under tredammen ved vassosen, og går vestover rett nord for Vorfjellet. Om litt hellar terrenget nedover, du passerer eit par blautmyrar og ser snart stølshusa på Seljesete. Frå stølen er det traktorveg sørover til Brunene, og vidare innover og nedover mot parkeringsplassen i Engjadalen. Start: Engjadalen, Parkeringsplass Kart (turkart): Breheimen

Det første stykket går langs ein traktorveg på vestsida av elva framover dalen frå parkeringsplassen. Etter ei stutt vandring, kjem du over på merka sti fram mot DNT-hytta på Navarsete. Stien held fram vidare innover på vestsida av elva og kryssar denne like før Heggdalen, ein triveleg støl fremst i den frodige og grøne Engjadalen.

Frå Heggdalen er det nokså bratt opp til Heggdalsvatnet, der stien tidvis går heilt ute på kanten mot elvegjelet.

Det er på sin plass å åtvare mot dette partiet, særleg dersom det regnar eller er glatt av frost. Du kan med fordel gå av stien og inne ei rute nokre meter frå stupkanten.

Siste stykket går stien innunder nokre høge hamrar før du er oppe ved osen på Heggdalsvatnet. Innover og forbi vatnet ser du fjellområdet Stongfjellet og Fivlenosi og overgangen til Vigdalen.

Det er mogleg å gå ein annan veg attende til bilvegen. Vegen om Seljesete kryssar elva like under tredammen ved vassosen, og går vestover rett nord for Vorfjellet. Om litt hellar terrenget nedover, du passerer eit par blautmyrar og ser snart stølshusa på Seljesete. Frå stølen er det traktorveg sørover til Brunene, og vidare innover og nedover mot parkeringsplassen i Engjadalen.

Start: Engjadalen, Parkeringsplass
Kart (turkart): Breheimen