Fjelleventyret | Overnatting på setra

Hos Fjelleventyret i Lundadalen i Skjåk kan du overnatte på den koselege setra "Yste". Seterhuset er utan straum og innlagt vatn, men unik med levande lys og elva Skjøle som renn rett utanfor.

Velkomen til seters! 

Fjelleventyret ligg i Skjåk som byr på Lundadalen, som er ein seterdal i Breheimen nasjonalpark. Denne dalen har vore brukt til jakt og fiske og til setring i alle tider, og er i tillegg eit ypperleg utgangspunkt for fjell- og toppturar.

Midt i denne dalen på merka DNT-løype mot Trulsbu, ligg setra til Fjelleventyret. Setra ligg omtrent midt i dalen om lag 5 kilometer innover frå Heimste Lundadalssetra, der bilvegen sluttar. Setra er utan straum og innlagt vatn, men den er unik med levande lys og elva Skjøle som renn rett forbi seterhuset.

Seterhuset er eit lafta seterhus oppført i 1995. Yste har enkel kjøkkenløysing, eit soverom med 5 sengeplassar og ei stove med ei budeieseng, sofa og ein spiseplass. To eldstadar. 

Denne setra kan du leie for 200 kr natta per person.

Inkludert i leiga er gass, ved og toalettpapir. Kjøkkenet er utstyrt med det du treng.

Hytta må reingjerast godt til dei neste fjellfolka som kjem forbi og som treng ei seter å kvile på.