Fjelltur til Englafjell frå Fet

Stad

Uskedalen.

Turkart

Folgefonna nasjonalpark.

Start- og sluttpunkt

Frå P-plassen følg rv 48 ca 300 m over brua til vegkryss med skilt til Musland. 100 meter langs den flotte steingarden som høyrer til Kapteinsgården. Merkinga startar ved gardsløa i svingen.

Parkering

Gamleskulen i sentrum. Stor P-plass med informasjonstavle for Uskedalen.

Merking

Informasjonstavle ved løa. T-merka med skilt og vardar.

Gradering

Svart, 4 støvlar etter DNT-system

Høgdeskilnad

10 – 1200 moh

Tidsbruk

7 timar t/r.

Gode råd

Skogsvegen i starten av turen kan vera litt blaut. Sjå også omtale for alternativ rute "Englafjell frå Eik" som opnar for ein fin rundtur.

Turomtale

Frå starten ved gardsløa gå vegen forbi gardstunet, gjennom grind og inn på skogsveg. Følg skogsvegen ca 300 m. Ta deretter av mot venstre og følg merkinga gjennom tett granskog og etter kvart noko bratt. Over tregrensa praktfull utsikt som vert betre og betre jo høgare du kjem.