Skip to main content
Unknown Component
civid: 5c827ba037bdfdb80784db70
name: plugins_common_social_share (widget)

Longva

Fjelltur til Skulen på Flemsøy

Fin fjelltur med god utsikt i alle himmelretningar. På toppen ser ein ut i havhorisonten og fjellrekkene på fastlandet.

Skulen er høgste punktet på Flemsøy/Skuløy. Ein går opp ved Kvernhuselva og følgjer stien til toppen av elva, der finn ein ei postkasse. Der står det skilta til Skulen og Stølshaugane. Det er fleire stiar opp til Skulen, men vi har i denne turen valgt å gå mot Stølshaugane. Det er ei god rås i eit myrlendt terreng som kan være vått. Det er god utsikt heile vegen til opp til Skulen. Ny postkasse er det på Stølshaugane og der er nytt skilt merka Skulen. Då er det berre å følgje råsa til toppen. På toppen er postkassa med Stikk-ut-merket. Gå same vegen nedatt til butikken. Turen om Tverreidet og forbi Flemsdemma er ikkje anbefalt av miljøvernavdelinga hos Fylkesmannen på grunn av stor slitasje i det verna myrområdet.

Tilkomst og parkering

For å komme til Flemsøy/Skuløy køyrer ein over Nordøyvegen frå Skjelten. Etter to av bruene tek ein til høgre og gjennom tunnel til Austnes. Køyr vidare langs Ullavegen til Ulla. Du køyrer vidare over brua, og etter den tek du til høgre mot Longva på Longvafjordvegen. Når vegen deler seg tek du til venstre – sjå etter Coop Prix på på venstre side. Turen startar der. (Det er gratis å køyre Nordøyvegen fram til offisiell opning 27. august 2022 - etter det blir det bompengar.)

Turistar og besøkande kan bruke toalettet ved kafébygget hos Coop Marked. Dette er ope frå 9-20 alle dagar.

Last updated: 03/26/2024

Source: Ålesund & Sunnmøre

Fjelltur til Skulen på Flemsøy

Sider du nylig har besøkt