Sogndal
Fjordstien i Sogndal går frå Loftesnes, langsmed fjorden og bort til Hagelin og er 1,5 km lang. Fjordstien opnar opp for mjuke trafikantar og knyter delar av bygda tettare saman.
No kan du spasere, sykle, jogge gjennom Sogndal med vakker fjordutsikt til Sognefjorden og lyden av bølgjeskvulp langs ruta. Langs stien er det sett opp fleire benkar der det er fint å sitte, leikestasjonar og treningsapparater. Fjordstien byr på spennande kontrastar der gamle naust og trehus står side om side med det nye.
Eit av hovudmåla med fjordstien har vore å opne bygda opp mot fjorden.
Kilde: Visit Sognefjord AS