Folgefonnsenteret
Folgefonnsenteret i Rosendal fortel historia om breen, livet i Hardangerfjorden, vatnet si reise, berekraftig bruk av ressursane i fjorden og klimaendringar.
Kunnskap og opplevingar BRE – FJORD – VATN – KLIMA I ENDRING
Velkomen inn i naturen!
Folgefonnsenteret i Rosendal fortel historia om breen, livet i Hardangerfjorden, vatnet si reise på jorda, berekraftig bruk av ressursane i fjorden, klima og klimaendringar. Lær om korleis menneska har brukt naturressursane på Folgefonnhalvøya gjennom tidene, heilt sidan dei første innvandrarane slo seg ned her for 9000 år sidan.
Her finn du interaktive utstillingar med informasjon om Folgefonna nasjonalpark, og kunnskap om naturen og aktivitetar rundt Folgefonnhalvøya. Hovudtema i utstillingane er vatn, og vatnet sin syklus på jorda.
Du kan og sjå 4 flotte naturfilmar:
• «Av vatn er du komen» - ei reise i det vestnorske landskapet
• Drama i Berg – geologi
• Fjordens Liv – om Hardangerfjorden
• Der Kronhjorten brøler
Folgefonnsenteret har felles billett med Skipsbyggjarmuseet Skaalurensamlinga, slik at du også kan oppleve historia om trebåtbygginga i området som var på topp frå 1850 – 1950 under besøket. Du kan også få med deg informasjon om dagens maritime næringar i området ved inngangen til museet.
Kilde: Region Sunnhordland
Folgefonnsenteret