Fortidslandsbyen Landa Park

Landa Park – Fortidslandsbyen

På Fossanmoen, Forsand i Ryfylke, ligg tuftene etter Landabusetjinga, eit eineståande funn i norsk historie og arkeologi. Det budde folk her samanhengande i 2000 år - frå omlag år 1500 f.kr. til år 600 e.kr.

Basert på funna er Fortidslandsbyen Landa Park gjenreist med tre rekonstruerte bygningar som representerer bronsealder, jernalder og folkevandringstida. Det første huset frå bronsealderen stod ferdig i 1995. Gildehallen er den største bygningen på Landa. Ein trur at huset blei brukt som bustad for ein leiande familie i landsbyen og kanskje til ulike festar og samlingar. 

På Landa Park blir du med på ei forhistorisk ”reise” som startar i bronsealderen (1800 f. Kr.), vidare i før-romersk jernalder og folkevandringstid (slutt rundt 600 e. Kr.). Med ein dag i Parken kan du oppleva mange kjekke aktivitetar, smake på forhistorisk mat, kose med dyra m.m. Landa Park er verdt eit besøk av både store og små.