Fossberg | Hotell, motell og hytter

Fossberg hotell er eit tradisjonsrikt hotell midt i Lom sentrum. Her er det matservering i koseleg spisesal og kafeteria med stor uteservering.

Fossberg hotell er eit av tre tradisjonsrike hotell i Lom sentrum, og har i godt over 100 år stått for husrom og mat til forbifarande. Hotellet har og eo eiga velværeavdeling med svømmebasseng, boblebad og badstue. Ynskjer du overnatting med sjølvhushald, fins motell-leiligheiter og hytter med dusj/wc og TV. 

Vi anbefaler og kafeteriaen vår som serverer god heimlaga mat og bakverk. Fossberg litt midt i Lom nasjonalparklandsby.

Velkomne!

Historia til Fossberg hotell:
Heilt attende i 1894 var det to kvernbruk, to butikker, eit bakeri og ein klokkargard med skulehus på sørsida av Bøvre (Fossbergom). I 1894 gjekk fire menn samman og kjøpte Ulstad, og delte jorda i fire bruk: Ulstad nødre, Ulstad midtre, Ulstad søre og Ulstad nedre søre. Tre av kjøparane tok etter kvart til med turistverksemd på Fossbergom. I 1994 feira desse bedriftene - Fossberg hotell, Fossheim hotell og Nordal hotell -  100-års jubileum!

Drifta på Fossberg hotell i gang før 1900
Ola P. Lund, Skjåk, kjøpte Fossberg i 1926, og fram til 1946 var det gardsdrift, kafé og fast utleige av husvære som gav hovudinntektene. Frå 1946 kunne dei føre hotellet attende til det det var bygd for før 1900, og kunne ta imot 12 gjestar og gongen. Fyrste ombygginga av hovudhuset vart sett i gang i 1953 og steg for steg har Fossberg vorte ombygt og endra til det moderne hotellet Fossberg er i dag.