Fotturar rundt Lærdal sentrum

Sentrum-Hedler-Mjølkeflaten-Stødno-Øyabrua-Sentrum
Start frå sentrum. Gå over brua mot Fodnestunnelen (riksveg5) og ta til venstre. Gå langs stranda. Du kan gå Mjølkeflaten (81m.o.h) direkte eller om Jektesanden. Frå Mjølkeflaten går du vidare mot Stødno, gardsvegen til Øyabrui og vidare langs elva mot sentrum. Runddturen tek omlag 2 timar.

Saltkjelen-Ljøsnaveiti
Start frå busshaldeplassen Saltkjelen på Ljøsne(ca 15 km frå sentrum ved E16). Vegen er merka og har informasjonsskilt. Veita vart bygd i 1890 åra for å føre vatn til gardane på Ljøsne som låg oppe på terassen. Ein god del av veita er lagt ut til turveg. Veita er eit imponerande byggverk og går i vakker natur med interessant flora. Omlag 120 mo.h. Turen tek 1 - 2 timar.

Sentrum -Oftedalen
Start ved Oftebrua som ligg cirka 300 meter aust for sjukehuset (cirka 2 km frå sentrum, ein kan gå frå sentrum til Øyabrua langs elva. ) Gå oppover langs elva Ofta på venstre side til stølsbrui, over denne til informasjonstavla der stølsvegen byrjar. Grei veg med turrettleiing og stadnamnskilt. Det er vakkert kulturlandskap og fin utsikt mot dalen og fjorden. Oftedalen ligg ca 780 m.o.h. og turen tek omlag 2 - 3 timar frå Ofta. Alternativt kan ein ta miniturar til Nedre Vangen (85 m.o.h.), Øvre Vagen (180 m.o.h) eller Løberghaugen (375 m.o.h.)