Gardsbesøk hos Indrefjord Gard

Hos Indrefjord Gard kan du bli betre kjend med dyr, og garden som ligg vakkert til i Hyllestad. Bli med inn i fjøsen og mat dyra, kos med kaninene, hestane og ponniane. Om du tørr kan du også sitte på hesteryggen.

Ta med hestane og vass i fjæra, nyt medbrakt mat rundt båtpanna og nytt dagen i din og barna sitt tempo. Besøket kan kombineres med andre aktivitetstilbod, sjå meir nederst på sida.

Vanskegrad: lågterskel tilbod

Pax: Inntil 15. personar

Pris: frå 150,- per person, minstepris 600,-. Born under 6 år er gratis

Ta kontakt om du ynskjer eit skreddarsydd program for di gruppe! Her er nokre forslag:

Velkomst med informasjon om drifta, helse på dyra og eventuell omvising i fjøset

Rideøkt med aktivitetar på bane, tur i kulturlandskap rundt garden og vassing i fjæra

Sosial samling rundt bålpanna, enkel servering eller catering frå lokale aktørar

Rullering på aktivitetar som riding, vognkøyring og kosetid med smådyra

Kombinasjon av alle aktivitetar som Indrefjord Gard tilbyr

Kjem du med hurtigbåt tilbyr me henteteneste med hesteskyss eller ridehestar på Rysjedalsvika Kai. Her kjem du deg med hurtigbåtrutene Bergen-Selje og Bergen-Sogn.

https://www.fjordnorway.com/no/reiseinspirasjon/ekspressbat--lokale-batruter

Frå Bergen køyrer du nordover og tar enten ferje til Lavik eller Rysjedalsvika.

Frå Rysjedalsvika Ferjekai er det 5 minutt køyring til Indrefjord Gard.

Frå Lavik Ferjekai er det 35 minutt køyring til Indrefjord Gard

Frå Førde er det 1 time og 30 minutt køyring sørover på E39, før du tar av hovudvegen ved Lavik Ferjekai og køyr videre vestover på 607. Alternativ rute via Dale på 57.

Du finn overnattingsstader i Hyllestad her

Indrefjord Gard er ein familiedriven gard idyllisk plassert lengst aust i Lifjorden, med utsikt til majestetiske Lihesten. Ole og Ina Sognnes eig og driv Indrefjord gard. Ole er odelsgut og overtok drifta i 2012, medan Ina gjorde hest til ein viktig del av tilbodet på garden. Her finn du hest, ponni, kanin, gardkatt og mjølkekyr, samt hunden Mira.

Indrefjord Gard har tradisjonell mjølk- og kjøtproduksjon i ein moderne driftsbygning med lausdrift og mjølkerobot, og var den fyrste lausdriftsfjøsen i Hyllestad med mjølkerobot. Aktivitetane omfattar også Bygdeservice og Hest i næring. Ny driftsbygning med stall og fasilitetar for besøkande inneheld garderobe, toalett og opphaldsrom med kjøkkenkrok tilrettelagt for rørslehemma.

Godkjent Inn på Tunet gard og godkjent hesteverksemd.