Gardsbutikken på Skarbø Gard

I den koselege gardsbutikken på Skarbø får du ost, sider og eplemost laga på garden, i tillegg til anna god, lokal mat.

Du finn gardsbutikken i kjellaren på det over 100 år gamle våningshuset i tunet, med inngang midt på huset. Parkering finn du rett nedanfor.

På Skarbø Gard har det vore både mjølke- og fruktproduksjon i mange generasjonar. I dag er der både sideri og ysteri på garden, der eigne råvarer vert foredla fram til kvalitetsprodukt.