Gardsutsal på Vingarden på Jølst

Gardsutsalet på Vingarden på Jølst fører ei rekke ulike varer, både frå eigen produksjon og frå andre lokale produsentar i nærområdet. Det er mogleg å kjøpe fruktvinar frå Vestavin med eigenproduserte råvarer, produsert på garden. Eigenprodusert alkoholfri drikke under varemerket Vesle Lerka er også å finne i utsalet. Utvalet av fruktvinar og alkoholfrie drikkar vil variere gjennom året og produksjonssesongane.

I tillegg til eigenproduserte varer, er det råd å kjøpe andre lokale varer. Innanfor eit par timars reiseveg frå Vingarden på Jølst finst det eit stort spenn av produsentar som foredlar lokale råvarer med både tradisjon og innovasjon. Vareutvalet vil variere gjennom året.

Faste opningstider i utsalet gjennom heile året er torsdag kl 16-18. Utsalet held også ope gjennom Vingarden sine opningstider i sommarsesongen og ved arrangement.