Geiranger Skywalk - Dalsnibba

Utsiktspunktet Geiranger Skywalk finn du på fjellet Dalsnibba 1500 moh. Underlaget på Skywalken er rister omkransa av rekkverk i glas. Med eit fritt fall på omkring 500 meter og vinden som kjem opp gjennom ristene, får du kjensla av å sveve. Rekkverket av glas gir deg uhindra utsikt over fjorden, fjella, Blåbreen og Geiranger.

Opplevingane ventar på deg heile døgnet. Nyt soloppgangen eller solnedgangen over verdsarvområdet – eller stjernehimmelen om hausten.

Vegen opp til Dalsnibba stod ferdig i 1939 og er eit av dei mest ambisiøse vegprosjekta i Noreg. Den 5 km lange vegen med 11 hårnålssvingar og ei stigning på omkring 10 % er i seg sjølv ei oppleving og gir deg ein forsmak på kva som ventar deg på toppen!

I Geiranger Skycafé kan du kjøpe deg lunsj og noko søtt til kaffien.

I Geiranger Skywalk Shop finn du suvenirar og klede frå lokale merke.

Geiranger Skywalk Dalsnibba er universelt utforma og tilrettelagd for personar med nedsett funksjonsevne.