Grimstadvatnet, Holesanden og Raudesanden badestrand

På Raudesanden blir vatnet raskt varmt, det er langgrunt og det er sand å leike med. Raudesanden er ei lita sandstrand i Grimstadvatnet og har fått namnet sitt etter den raudlege sanden. På land er det ei lita grasplen der ein kan slenge ut handduk eller piknikteppe.

Grimstadvatnet er eit naturreservat og i vestlege delar av vatnet er det ferdselsforbod frå 1. april til 31. juli. Det er ingen parkeringsplassar knytt til stranden. Nokre få bilar kan stå i ei ubrukt lomme langshovudvegen. Elles er det mogleg å parkere på parkeringsplassen der Hareidsmyrane krysser elva. Det tar om lag 15 minutt å gå herfra, langs frodige Hareidselva. 

Holesanden ligg inst i Snipsøyrdalen ved Snipsøyrvatnet. Her er det fin badestrand. Vatnet blir ofte godt og varmt sommarstid, men stranda er fint å bruke i alle årstider. Det er gode parkeringsmoglegheiter. Ved stranda ligg også Holesandhytta som er eigd av Hareid KFUK/M. Her er det sommarkafé på søndagene gjennom sommaren. Det er bålgrue både ved stranda og ved Holesandhytta.

(Hareid.kommune.no)