Skip to main content
Unknown Component
civid: 5c827ba037bdfdb80784db70
name: plugins_common_social_share (widget)

Bremnes

TripAdvisor rating of 3.5

5

Gullgruvene på Lykling

Gullgruvene på Lykling var på slutten av 1800-talet sentrum for eit gullrush utan sidestykke i Noreg. Ta ein tur på ein av turstiane og opplev området!

På heiane nord for Lyklingsjøen fann det for over hundre år sidan stad eit kapittel i vår historie som inntil 1990-åra var relativt ukjent for folk flest. Alle hadde nok høyrt om gruvene, men det var aldri ein del av bømlingane si stolte historie. Det var helst utanbygds folk som kom hit for å sjå på gruveområdet, og historia var i ferd med å gå i gløymeboka. Historia har lukkelegvis no fått sin renessanse, og mykje materiale er samla av lokale naboar og historikarar.

Gullrush på slutten av 1800-talet


Gullgruvene på Lykling var på slutten av 1800-talet sentrum for eit gullrush utan sidestykke i Noreg. Rundt 1885, då aktiviteten var på det mest hektiske, var fleire hundre mann i arbeid i gruvene. Til saman vart det funne om lag 250 kilo reint gull. 

Gå på tur i gull-området


Området er no kartlagt og skilta, stiar er merka, og gullgruvene er blitt ein populær utfartsstad for både lokale og tilreisande. Og enno er det kanskje gull å finna i kvartsårane og gruvehola i gråberget ut mot storhavet...

Steinriket Bømlo


Det kan vere lurt å først tar turen innom utstillinga "Steinriket Bømlo" i Moster Amfi i Mosterhamn. Der får du informsjon om den store steineksporten som har vore frå øyane her. Så får du med deg brosjyren/turguiden til Steinriket Bømlo, som har informasjon om gruvedrifta og turløyper i området. 

Last updated: 01/29/2024

Source: Samarbeidsrådet for Sunnhordland

Gullgruvene på Lykling

Sider du nylig har besøkt