Hareid Kyrkje

Hareid sokn ligg i Hareid kommune på øya Hareidlandet. Vi har ei kyrkje og ein gravplass. Den flotte kvite trekyrkja vår vart vigsla som kyrkje i 1877 og er eit kjært signalbygg i bygda vår. Hareid sokn er kjend for sitt store populære trusopplæringsarbeid, med aktivitetar for barn i alderen 0 til 18 år. Mange av aktivitetane skjer i kyrkja som er i bruk nesten kvar einaste dag gjennom heile året. Hareid er ei ett-sokns-kommune som vil sei at soknerådet også har fellesrådsfunksjonar, og at det er dei same fokevalde som sitt i begge råda, med kommunal representant i tillegg i fellesrådssaker. Hareid sokn har 6 fulltidstilsette. Ein av desse 6 er dagleg leiar i Hareid frivilligsentral, som soknet eig og driv. I tillegg til dei tilsette er mange personar frivillig engasjert i alle aktivitetane som skjer i soknet.

Altertavla frå 1660 er det største kunstverket i Hareid Kyrkje. Den kom frå Stavanger Hospitalskirke, kjøpt på ein aksjon der i 1915, og var laga av skotten Anders (Andrew) Lawrenceson Smith. Rasofiel Rise måla altertavla i lyse fargar i 1877. I 1913 sette Lars Kinsarvik til nokre mørkare fargar. Kyrkja vart delvis restaurert innvendes i 1952. Altartavla vart restaurert til 100-årsjubileet i Hareid kyrkje i 1977.