Hattefjell

Hattefjell er ein kort, men krevjande fottur som byr på spektakulær utsikt over Seljord og fjella rundt. Frå toppen ser du rett ned på Åsheimgrendi og vidare mot Skorve, Mælefjell og Lifjell.

Praktisk informasjon

• Distanse: 2,5 km
• Tid: 1,5 time
• Nivå: Krevjande

Om turen
Merka sti startar ved ei fjellskjering på vegen mot Bråten. Det fyrste stykket meir eller mindre bratt stigning gjennom skogen før ein kjem inn på ein breiare sti som endar på Hattefjellmyri. Herifrå merka, bratt sti til toppen der det er ei fantastisk utsikt over Seljord og mot Skorve, Mælefjell og Lifjell.

Frå toppen ser ein rett ned på gardane i Åsheimgrendi. I tidlegare tider var dette storgardar i Seljord, og det er mange hendingar og historier knytt til denne delen av bygdi, bl.a. soga om Ståle Åsheim.

Alternativ rute:
Ved Hattefjellmyri kan ein fylgje merka sti vestover til trivelege Tjønnstaul med gamle sæterbygningar. Stien er delvis litt utydeleg. Gangtid frå Hattefjellmyri: ca 1t

Slik kjem du deg til Hattefjell
For å komme deg frå Seljord sentrum til startpunktet for fotturen til Hattefjell, følg​​ vegen mot Brøløs. Frå Brøløs, følg vegen mot Bråten. Køyreavstanden frå Brøløs til Bråten er om lag 2,5 km. Stien til Hattefjell startar ved ei fjellskjering på vegen mot Bråten. Her er det mogleg å parkere bilen langs vegen.

Kart finn du ved å laste ned Fintur-appen!