Helleland Gard

På Lofthus, ein del av den største frukthagen i Noreg, finn du Helleland Gard. Der produserer dei sin eigen eplesider og most under merkevara «Heldre Sider og Saft». På garden, som har vore i familien sidan 1684, har dei også eit gardsutsal. I tillegg til deira eigne, fruktige produkt, sel dei andre lokalproduserte varer frå Lofthus-området – alt frå gelear og syltetøy til honning og hermetisert frukt. Utsalet er ope kvar ettermiddag i sommarmånadane, utanom sundagar.

På Helleland gard kan du også booka deg sidersmaking med ost og spekemat i «Mosstova» frå tidleg 1600-tal. Eller du kan velja ei enkel smaking i produksjonslokalet og uteserveringa deira. Om sommaren har dei faste tidspunkt som passar opp mot siderbåtruta.

Velkomen til Helleland Gard!