Skip to main content
Unknown Component
civid: 5c827ba037bdfdb80784db70
name: plugins_common_social_share (widget)
Vik

Hopperstad Stavkyrkje

I Vik finn du Hopperstad stavkyrkje, som er bygd 1130. På slutten av 1800-talet vart kyrkja restaurert med Borgund stavkyrkje som modell.

Velkommen til vakre Hopperstad Stavkyrkje i Vik. 

Funn av eldre stolpar under kyrkjegolvet tyder på at det har stått ei kyrkje der før den vi kjenner i dag. 

Då kyrkja stod til nedfalls vart ho berga og restaurert slik ho står i dag i 1885 av den kjende arkitekten Peter Andreas Blix, mannen som også berga Hove steinkyrkje frå kring 1170. Blix som mellom anna teikna eit femtitals jernbanestasjonar, grunnla Den Norske Ingeniør- og Arkitektforeining og restaurerte Håkonshallen i Bergen, ligg gravlagd under golvet i Hove steinkyrkje.

Saman med den kvite hovudkyrkja i Vik er dette eit interessant kyrkjehistorisk miljø, med kort avstand mellom dei tre kyrkjene, for den som vil studere kyrkjebygningar i stein og tre over ein periode på rundt 900 år.

Det høyrer også med til soga at det står ein kopi av Hopperstad stavkyrkje ved "Hjemkomstsenteret" i Moorhead, Minnesota i USA.

Opningstider og prisar: www.stavechurch.com



Kilde: Visit Sognefjord AS

0

Hopperstad Stavkyrkje

Sider du nylig har besøkt