Skatestraumen
Opplev Hekseveggen på Hornelen Via Ferrata – ei luftig og moderat Via Ferrata-rute på Europas høgaste sjøklippe. Klatre høgt over fjorden med mektig utsikt rundt deg.
Er du klar for ei friluftsoppleving utan sidestykke? Hornelen Via Ferrata byr på loddrett spenning på veggen av Europas høgaste sjøklippe, med sjøen rett under deg og ørna svevande i nærleiken. Ei oppleving du seint vil gløyme.
Denne guida halvdagsturen går føre seg på den nedre delen av Hornelen Via Ferrata, kalla Hekseveggen. Turen er eit godt val for dei som ønskjer ein kortare klatretur med moderat vanskegrad. Hekseveggen byr på utfordringar og ei luftig oppleving høgt over fjorden.
• Å klatre Via Ferrata i så spektakulære og luftige omgjevnader gir ei sterk kjensle av meistring og glede.
• For deg som er sporty og har lyst til å utforske ein ny aktivitet, åleine eller på tur med familie eller vener.
• Dei dyktige guidane tek hand om tryggleiken til deg og gruppa, slik at du kan fokusere på klatringa og opplevinga.
Pris: 1995 kr per person
Varigheit: Ca. 6 timar
Vanskegrad: Moderat. Hekseveggen er gradert C/D på Via Ferrata-skalaen frå A til F, med nokre overhengande parti.
Vekt: Minimum 40 kg / maksimum 120 kg
Alder: Minimum 14 år (waiver må signerast av ein vaksen)
Turen startar med ein gåtur i fjøra på ca. 45 minutt. Deretter følgjer rundt 3 timar med klatring, før retur til utgangspunktet på ca. 1,5 time.
Inkludert i prisen:
• Tilgong til Via Ferrata klatreløypa
• Hjelm
• Sele
• Via Ferrata Slynge
• Guide
Ta med:
• Sko
• Passande klede
• Hanskar (kan takast med eller kjøpast i butikken)
• Dagstursekk
• Matpakke og drikke (det er ikkje tilgang på vatn undervegs)
Hekseveggen gir ei luftig og spennande Via Ferrata-oppleving med mektige Hornelen og fjorden som bakteppe. Ei flott utfordring for deg som ønskjer å teste både høgda og eigne grenser.
Kilde: Nordfjord