Ivar Aasen-tunet

IVAR AASEN-TUNET gir deg gode opplevingar og undrande ettertankar om språk, litteratur og arkitektur. Hovudbygningen frå 2000 er teikna av meisterarkitekten Sverre Fehn og heidra med den fremste utmerkinga for arkitektur i Noreg. Tida går fort i utstillingane som er til å sjå og ta på. Kvar dag fortel vi noko nytt om all verdas språk og språk i Noreg. IVAR AASEN (1813-96) var språkforskaren og diktaren som endra norsk historie. Han bygde det nynorske skriftspråket på levande dialektar frå heile landet, og skapte nokre av dei mest folkekjære songane. DEI NYNORSKE FESTSPELA siste helga i juni er det årlege høgdepunktet i kulturprogrammet i tunet. Dei nynorske festspela 29. juni–2. juli 2017 er fire fullspekka dagar med variert program for ein kvar smak: konsertar, forfattarmøte, samtalar, foredrag, kurs og utstillingar. I år har Festspela ekstra mykje for barn og unge.  

KAFEEN byd på smakfull mat og ferske aviser frå mange stader i landet. BUTIKKEN rommar hundrevis av varer og gåveartiklar i mange prisklassar. Mykje av dette finn du berre hos oss. OMVISINGAR i sommarsesongen der borna får bli med Lurivar på omvising i veke 27 og 30. På sommarprogrammet finn du mellom anna songstunder, bokkafé og lesestunder. Sjå www.aasentunet.no for detaljert program.