Dale I Sunnfjord
Den folkekjære diktaren Jakob Sande er fødd og oppvaksen på Klokkargarden i Dale. Her kan du få informasjon og omvising i diktarens fotspor.
På Jakob Sande-tunet finn du bestefarsstaua, senter for forteljekunst, gamle skulehuset, løa og våningshuset med diktar-residens og overnatting.
Vi opnar sommarsesongen den 21. juni og har ope tom 10. august.
I denne tida er sommarvertane på plass i skulehuset tysdag til søndag frå 11-16. Dei vil gje fast omvising tysdag til fredag kl 13 og tek utgangspunkt i ei vandring innom fødestaden til Jakob Sande i Bestefarstaua, æresstøtta, gravstaden, dei andre husa i Klokkargarden og Gamle skulehuset.
Her får du også kjøpt musikk og bøker om diktaren, og om forteljekunst, t-skjorter og kort. Det er også sommarutstilling og litteratursalonger, turistinformasjon, bokhandel og kafé.
Viktige datoar å merke seg gjennom sommaren:
18. juni, opning av sommarutstilling i Bestefarsstaua med arbeidstittelen "Ord gjennom brev". Den er open når skulehuset er ope.
18. - 20. juni Forteljekunstakademiet
Kulturvandring i Jakob Sande sine fotspor finn du på nett og tavler i tunet.
Kilde: Visit FjordKysten og Sunnfjord