Jettegrytene i Rullestadjuvet

Jettegryter er runde groper i fjellet laga av vatn, is og steinmassar. I den bratte fjellveggen i Rullestadjuvet finst jettegryter som er fleire meter i diameter, og desse er blant dei største i Nord-Europa. Nokre av grytene heng nesten saman og andre ligg meir åleine. Gryten er blitt delvis fylte av jordmassar og vatn gjennom tusenvis av år, men er ikkje mindre imponerande av den grunn. Området der jettegrytene finst, ligg tett ved gamle E134, men du kan ikkje sjå dei frå vegen. For å oppleva jettegrytene på nært hald, må du følgja den merka Postvegen frå Skromme og ta av på skilta til Jettegrytnuten. Turen er relativt lett, men terrenget er bratt og farleg. Fjellet må vera tørt, turen krever gode sko og eignar seg ikkje for folk med høgdeskrekk. Spør om råd i Turistinformasjonen eller hos Rullestad Aktiv Fritid før du tar turen!