Jol i gamle dagar

Eit historisk jole-opplegg for dei minste skuleelevar i Vest-Telemark.

Kvart år arrangerer Vest-Telemark Museum «Jol i gamle dagar» for småstega i skulane i Vest-Telemark.

Opplegget varer i ca 2 skuletimar og inneheld forteljing, mat og utandørs aktivitet.

Mer om innhaldet kan du lese i brosjyra (sjå øvst til høgre).

Me tilbyr opplegget ved desse plassane:

Kviteseid bygdetun, Flekstveitstoga

Fyresdal bygdemuseum, Bjørnstadstoga

Øyfjell bygdemuseum, Mostøylstoga

VTM Eidsborg, Juvestoga

Seljord, Gongestoga (Dyrskuplassen)

Me set ei øvre grense på 20 elevar for kvar økt og oppmodar skular med små klasser om å samordna seg imellom. Ta kontakt om klassa er større.

Opplegget er ope for heile småsteget. Me oppmodar skulane om å prioritere dei av klassane som ikkje har delteke i opplegget tidlegare.

VTM sender ut brev til kommunane sine DKS-kontaktar i løpet av hausten. Påmelding skjer gjennom DKS i november.

Det er særs viktig at ungane har med seg gode ytterklede og ein varm genser; sjølv om me fyrar i stogene kan det vera trekkfullt og kaldt.

Skulane organiserer transport. Me oppmodar lærarane om å førebu temaet i klassane og delta aktivt i opplegget. Gjerne ta t.d. med gamaldags jolepynt som me kan snakke rundt. Vedlagt ei brosjyre med detaljar.

Me ynskjer småskuleelevane frå Vest-Telemark velkomne til årets «historiske» jol!