Jotunheimen fjellstue | Turisthytte

Jotunheimen fjellstue ligg idyllisk til ved foten av fjellet Loftet, og er eit ypparleg utgangspunkt for mange fine opplevingar i fjellheimen.

Her kan du finne ro, anten du sit i solveggen og nyt den fantastiske utsikta mot Hestbrepiggane i Breheimen eller om du kosar deg inne framfor peisen medan vinden riv i veggane. Fjellstua er eit godt utgangspunkt, både for deg som søker rolige dager i fjellheimen og for deg som ynskjer meir ekstreme utfordringar.

Her er du midt i eit eldorado for jakt om hausten, fiske, brevandring og fotturar gjennom heile sommaren - og toppturar på ski om vinteren. I området er det også mange fine sykkelruter å velje i. 

Jotunheimen Fjellstue ligg langs nasjonal turistveg Sognefjellet, FV 55, ved inngangen til Jotunheimen nasjonalpark - med utsikt mot majestetisk fjellandskap. Her når du fleire av Jotunheimen sine mange 2000-meterstoppar på dagstur frå dørhella.

Jotunheimen fjellstue vart bygd i 1947, men har gått gjennom mange runder med restaurering og fornying. I dag er dette ei moderne fjellstue som har stort fokus på gode matopplevingar. 

Her finn du eigen restaurant, kafé, peisstue, bar, internett og rom med dusj/WC. 

Velkomen!