Kilegrend hytter

Rett ved Fyresvatn ligg Fyrismoen i praktfulle omgivnader. Før 1950 var staden handelstad og skysstasjon med dambåtanløp på kaia. Framleis kan ein få kjensla av historia om livet som ein gong har vore her. Anten du vel å overnatta i "Sjøbui", det gamle poståpneriet eller i drengstua på husmannsplassen Granheim. Alle husa ligg eit par skritt frå vatnet med moglegheit for rekreasjon, fiske , båtliv og bading. Den gamle hagen innbyr til kaffeslabberas, grilling, aktivitetar eller bare ei god bok i solveggen. Med dagsferske egg frå høner kan ein nyte vatnet, fjella og utsynet medan ein et ein minnerik frukost.

Eit opphald på Fyrismoen handelstad gjev rom for mange opplevingar. Med naturen rett utafor dørstokken kan i dei ulike sesongane hauste av det naturen byr på. Fyresdal sentrum med Folkestadbyen som varemerke kan ein få innblikk i vassekte kulturhistorie. Ein vandring gjennom gatene kor stakittgjerda står kvitmåla kring duftande hagar kan tankane fly av sted. Her finn du alt du treng av handelsvarer av hyggelege folk med respekt og kjensle for bygda si. Moland Kyrkje ligg majestetisk til nede ved Fyresvatn. Her kan du ta turen rundt Hamaren aktivitetspark, tilrettelagt for alle.

Fyrismoen kan nyttast som base om ein ynskjer ein miniferie i vakre Telemark. Ein biltur unna finn du Dalen med ærverdig hotell, kanalbåtane, badstue og stavkyrkje. I Treungen finn du Z- museum og naturlege vatnsklier i elva.
Telemark har mykje spennande kultur- og konsertliv. Treungenfestivalen kan anbefales.

Vinterstid ligg Gautefall skisenter 30 min. unna og oppkjørte langrennsløyper får du 10 min. frå Fyrismoen. Frå november til april er det kun utleige i Sjøbui og Granheim (det gule huset). Drengstua /med yttervegg i laft er vinterstengt.

Velkomen til oss!

--- Helsing Kristine, Anders og Klara