Kyrkjevatnet badeplass

I nær tilknyting til dagsturhytta "Miklastofa” i Uggdal er det laga til ein liten kai med rullestolrampe ut til badebrygge. Dette er eit flott område. I kort avstand frå badeplassen er det gapahuk, bål-grue, toalettbygg og ikkje minst fine turmoglegheiter.

Du kan parkera og gå frå Uggdalseidet (v. sørenden av vatnet, sjå skilt), i enden av Heningen (bakketoppen forbi Optimera) eller frå ridebanen på Myklestad.

Det er berre om lag 10-15 minutt å gå til badebrygga uansett kva veg du vel.